Бавлы-информ
  • Рус Тат
  • Җинаять эшенә нокта куелган

    Элек полициядә эшләгән өч хезмәткәр рәшәткә артына китәчәк.

    “Татар-информ” мәгълүмат агентлыгы хәбәр итүенчә, Баулы шәһәр суды полиция начальнигының оператив эш буенча урынбасары Алмаз Шакировка һәм элек полиция хезмәткәре булып эшләгән ике кешегә хөкем карары чыгарган.

    Алмаз Шакиров, Илнур Нәҗметдинов һәм Фәнис Салаватов ришвәт алуда, гадел хөкемне башкаруга комачаулауда һәм вазифаи вәкаләтләрен арттыруда гаепле дип табылган.

    Реклама

    Эшнең өч фигуранты да гаебен танымаган. Оперативниклар игътибарына алар 2016 елда, Баулыда ир белән хатынны рәхимсез үтерү буенча тикшерү алып барылганда, эләккән. Һәлак булганнарның күршесе Әбүзәр Гафуров, алда телгә алынган өч хезмәткәрнең басымына бирешеп, ир белән хатынны үтерүдә гаебен таныган. Шулай да чын гаеплеләр табылган – бу Сергей Груняхин һәм аның бертуганы Вячеслав Кексель булып чыккан. Эш Татарстан Югары суды тарафыннан каралган, икесе дә рәшәткә артына киткән.

    Суд карары нигезендә, өч хөкем ителүче дә кырыс режимлы колониягә җибәрелгән. Шакировка – 9 елга, Нәҗметдиновка – 9,5 елга, Салаватовка 8,5 елга иректән мәхрүм итү җәзасы билгеләнгән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: