Бавлы-информ
  • Рус Тат
  • Баулы газетасы фотоконкурсында Сөләймановлар җиңде

    Гаилә, мәхәббәт һәм тугрылык көнендә "Хезмәткә дан" газетасы үткәргән "Пар канатым" конкурсында җиңүчеләрне бүләкләү узды.

    - Баулылылар "Пар канатым" конкурсында актив катнаштылар, фотоларын җибәрделәр, ә без аларны газетада бастырдык, - диде ЗАГС бүлегендә узган җиңүчеләрне бүләкләү тантанасында газетаның баш мөхәррире Азат Зиннуров. - Дөресен әйткәндә, аларның барысы да бүләккә лаеклы, иң мөһиме - тышкы матурлык түгел, ә уйларыбызның, гамәлләребезнең, мөнәсәбәтләребезнең матурлыгы. Һәр конкурста җиңүче булырга тиеш, без Алсу һәм Радик Сөләймановлар гаиләсен сайладык.

    Конкурсның иганәчесе "Ядран-ойл" ЯАҖ директорлар советы рәисе Ирек Сәлихов булды, аның ярдәме белән Сөләймановларга бүләк - мультиварка тапшырылды.

    Айгөл Идиятуллина фотосурәте

    Нравится
    Поделиться:
    Реклама
    Комментарии (0)
    Осталось символов: