Никахны рәсмиләштерүгә гариза баулылылар интернет аша бирә ала

Тиздән никахлашу турындагы гаризага имза яшь парлар гади цифралы имза ярдәмендә интернет аркылы куя алачак. Бу яңалык турында Татарстан дәүләте вице-премьеры - информатизация һәм элемтә министры Роман Шәйхетдинов сөйләде. Бу мөмкинлек барлыкка килүгә ЗАГСка тантана алдыннан килмәскә дә мөмкин, бары тик никахны рәсмиләштерү көнендә генә килергә була.

Баулы районында "вакытны броньлау һәм никахны теркәү урыны" хезмәтеннән 2013 елда яшь парларның 84 проценты файдаланган. Башка төрләреннән (аерылу, үлем, бала тууга таныклык алу) - 51,3 процент баулылы кулланган.