Бавлы-информ
  • Рус Тат
  • Россия Сәламәтлек саклау министрлыгы «ЭпиВакКорона»ны сатып алуны туктаткан

    Вакцина белән алга таба тәэмин итү даталары төбәк сәламәтлек саклау органнары вәкилләренә билгеле түгел.

    Россия Сәламәтлек саклау министрлыгы 2022 ел башыннан коронавирустан «ЭпиВакКорона» һәм «ЭпиВакКорона-H» вакциналарын төбәкләргә җибәрүне туктатты. Бу Сәламәтлек саклау өлкәсендә күзәтчелек буенча федераль хезмәтенең ммунобиологик даруларын гражданлык әйләнешенә кертүгә рөхсәт реестрыннан күренә.

    Фәнни институтларның берсе хезмәткәре «ЭпиВакКорона» вакцинасын кайтарту белән кыенлыклар булуын раслады. Шул ук оешманың башка вәкиле сүзләренчә, «бу вакцинаны җитештерүне туктатып тору турында сөйләргә нигез бар». Бу хакта «Ведомости» газетасы яза.

    Басманың Дәүләт Думасында һәм Россия фармацевтика компаниясендә әңгәмәдәшләре препаратның күптән төбәкләргә җибәрелмәвен белдерде.

    Реклама

    Газета 85 төбәкнең профильле ведомствосы арасында уздырган сораштыру мәгълүматлары буенча, Федерациянең күпчелек субъектларына «ЭпиВакКорона»ның соңгы партияләре ноябрь ахырында — 2021 елның декабрь башында кергән. Вакцина белән алга таба тәэмин итү даталары төбәк сәламәтлек саклау органнары вәкилләренә билгеле түгел.

    Чыганак: татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: