Бавлы-информ
  • Рус Тат
  • 2022 елның 1 гыйнварыннан кәгазь больничныйлар әйләнеше бетерелгән

    Дәвалау оешмаларында калган барлык кәгазь бланклар Социаль иминиятләштерү фондына кире кайтарылачак.

    2022 елның 1 гыйнварыннан вакытлыча хезмәткә яраксызлык кәгазьләре (больничныйлар) тулысынча электрон вариантка күчкән, кәгазь документлар гамәлдән чыккан.

    «2022 елның 1 гыйнварыннан республиканың бөтен медицина оешмалары бары тик электрон больничныйлар гына бирәчәк. Кәгазь документ сайлау мөмкинлеге булмаячак», — диде Татарстан буенча Социаль иминиятләштерү фондының җитәкчесе вазифасын башкаручы Фердинат Закиров ведомствоның коллегия утырышында.

    Фердинат Закиров сүзләренчә, республиканың бөтен медицина оешмалары бу яңалыкка әзер булган. 2021 ел азагында больничныйларның 99,5 проценты болай да электрон вариантта бирелгән.

    Реклама

    «Дәвалау оешмаларында калган барлык кәгазь бланклар Социаль иминиятләштерү фондына кире кайтарылачак», — диде Фердинат Закиров.

    Фото: pixabay.com

    Чыганак:  https://tatar-inform.tatar/news/health/13-01-2022/2022-elny-1-gyynvarynnan-k-gaz-bolnichnyylar-yl-neshe-beterelg-n-5847114

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: