Хезмэткэ дан
  • Рус Тат
  • Баулы районында кем яхшырак яши?

    Баулы районының авыл җирлекләре рейтингында Потап-Томбарлы җирлеге беренче урынга лаек булды. Соңгы урыннарда - Удмурт Ташлысы һәм Покровский Урыстамак җирлекләре.

    Район башкарма комитетының икътисад бүлеге 2013 елның беренче яртыеллыгы йомгаклары буенча авыл җирлекләренең социаль-икътисади үсеше рейтингын төзеде.
    Йомгак ясаганда беренче чиратта халыкның тормыш дәрәҗәсен чагылдыручы күрсәткечләр исәпкә алынды. Мәсәлән, уртача хезмәт хакының минималь куллану бюджетына нисбәте буенча Александровка, Шалты, Татар Кандызы алдынгылыкны тота. Ә Кырымсарай, Кызылъяр, Покровский Урыстамак, Татар Томбарлы авылларында яшәүчеләрнең керемнәре иң түбәне. Салымнар хезмәткәрләргә конвертларда керә торган акчалардан, шулай ук натураль түләүләрдән түгел, ә законлы табышлардан алына. Ә салымнар социаль мәсьәләләрне (сәламәтлек саклау, мәгариф, мәдәният учреждениеләрен тоту, юлларны ремонтлау, урамны яктырту, төзекләндерү) хәл итүгә юнәлтелә. Пенсия тупланмалары зурлыгы да законлы хезмәт хакына бәйле.
    Тагын бер күрсәткеч - мәшгульлек үзәгендә исәптә торучы эшсезләр саны. Иң күбе алар Александровкада - 182 кеше. Анда, мәгълүм булганча, спирт заводының элекке милекчесе бөтен персоналны эштән азат итте. Поповка һәм Новозареченск җирлекләрендә дә эшсезләр байтак. Иң азы эшсезләр Салих, Томбарлы һәм Шалты авыл җирлекләрендә.
    Торакны файдалануга бирүдә Потап-Томбарлы һәм Кызылъяр җирлекләре алда бара. Салих, Кырымсарай, Удмурт Ташлысы һәм Покровский Урыстамак авыл җирлекләрендә бер генә квадрат метр яңа торак мәйдан да теркәлмәгән. Әмма күпләрнең төзелеш белән шөгыльләнүен, ләкин яңа күчемсез милекне теркәмәүләрен искәртеп үтәргә кирәк. Торакны файдалануга бирү күрсәткечләренең ни дәрәҗәдә төгәл булуы җирлек башлыкларына һәм авыл җирлекләре башкарма комитетларына бәйле. Әйе, яңа төзелешләрне ачыкларга, милекчеләрне үзләренең күчемсез мөлкәтләрен теркәргә үгетләргә туры килә. Ләкин бу бит әлеге дә баягы салым салу базасы, җирле бюджет дигән сүз.
    Сүз уңаеннан, бюджет турында. Әгәр дә авыл җирлеге бюджеты керемнәрен халыкның җан башына исәпләсәң, иң югары күрсәткеч Татар Томбарлы һәм Кырымсарай авыл җирлекләренә туры килә. Ә барысыннан да түбәнрәге - Кызылъяр авыл җирлегендә.
    Рейтингны билге-ләгәндә сөт җитештерү һәм хуҗалыкларда терлек азыгы хәзерләү, шәхси хуҗалыкларны үстерүгә кредитлар алу күрсәткечләре һәм башка мәгълүматлар исәпкә алынмаган, алар өчен дә җирлек башлыклары җавап бирә.
    2013 елның беренче яртыеллыгы йомгаклары буенча Потап-Томбарлы авыл җирлеге башлыгы Александр Килячковны иң яхшы авыл җирлеге башлыгы дип атарга була. Лидерлар өчлегенә шулай ук Томбарлы авыл җирлеге башлыгы Әдибә Шәйдуллина һәм Поповка авыл җирлеге башлыгы Сергей Попов та керде.
    Артта калучылар исемлегенә әлегә Новозареченск, Удмурт Ташлысы һәм Покровский Урыстамак авыл җирлекләре башлыклары керә.

    Баулы муниципаль районы авыл җирлекләренең 2013 елның 1 яртыеллыгы социаль-икътисади үсеше рейтингы

    Рейтинг

    Авыл җирлекләре исеме

    Хезмәт хакының мин-ль кулланучылар бюджетына нисбәте

    Мәшгульлек үзәгендә теркәлгән эшсезләр саны

    Файдалануга бирелгән торак йортларның җан башына исәпләнгән мәйданы (кв.м.)

    Файдалануга бирелгән торак йортларның гомуми мәйданы (кв.м.)

    Авыл җирлеге бюджеты керемнәр өлешенең җан башына үтәлеше (сум.)

    Авыл җирлеге бюджеты керемнәр өлеше үтәлеше (мең сум.)

    1

    Потап-Томбарлы

    1,30

    41

    0,907

    1193

    1 583

    2083,0

    2

    Томбарлы

    1,17

    17

    0,109

    89

    2 222

    1808,7

    3

    Поповка

    1,40

    70

    0,172

    187

    1 503

    1634,0

    4

    Шалты

    1,54

    22

    0,122

    71

    1 735

    1012,0

    5

    Кызылъяр

    1,12

    41

    0,851

    1523

    794

    1420,7

    6

    Татар Кандызы

    1,46

    29

    0,271

    242

    1 339

    1196,2

    7

    Исергәп

    1,40

    33

    0,508

    585

    1 182

    1361,0

    8

    Александровка

    1,55

    182

    0,085

    114

    1 166

    1573,0

    9

    Салих

    1,30

    8

    0

    0

    1 743

    1612,7

    10

    Кырымсарай

    1,09

    49

    0

    0

    1 865

    1758,7

    11

    Новозареченск

    1,19

    69

    0,092

    138

    1 152

    1725,0

    12

    Удмурт Ташлысы

    1,42

    24

    0

    0

    1 328

    1203,0

    13

    Покровский Урыстамак

    1,16

    56

    0

    0

    1 257

    1351,7

    Нравится
    Поделиться:
    Реклама
    Комментарии (0)
    Осталось символов: