Бавлы-информ
  • Рус Тат
  • Атналык аппарат киңәшмәсендә игенчелекнең актуаль мәсьәләләре буенча фикер алыштылар

    Атна саен уздырыла торган аппарат киңәшмәсе М.Җәлил исемендәге Мәдәният йортының зур концертлар залында узды. Анда узган атна нәтиҗәләре каралды.

    Оешмалар һәм предприятие җитәкчеләре белән атналык очрашу барышында авыл хуҗалыгы һәм азык-төлек идарәсе башлыгы Альберт Талипов агымдагы елда уңышны тәэмин итү өчен минераль ашламалар сатып алу буенча авыл хуҗалыгы оешмалары башкара торган эшләр турында мәгълүмат бирде.

    Район буенча 1 гектар чәчүлеккә 21 килограмм ашлама тупланган - барлыгы 48 млн сумлык. Эре хуҗалыкларда 1 гектар чәчүлеккә 27 килограммнан артык минераль ашлама туры килә. Кече авыл хуҗалыкларында бер гектар чәчүлеккә бары 9 килограмм минераль ашлама тупланган. Талипов сүзләренә караганда, зур булмаган хуҗалыклар ашламалар сатып алуга әйләнештәге акчаның юклыгына сылтама ясый. Шул ук вакытта Татарстан Республикасы Авыл хуҗалыгы һәм азык-төлек министрлыгы тарафыннан агымдагы елның 1 июленә 1 гектар чәчүлеккә кимендә 50 килограмм ашлама кертү бурычы куелды, дип билгеләп үтте Альберт Талипов. Куелган бурычны үтәү өчен Баулы районына өстәмә 112 млн. сум кирәк булачак. Шулай ук Талипов 50 килограмм минераль ашлама туплаган хуҗалыкларга бюджет ярдәме турында да хәбәр итте, 1 гектар чәчүлеккә - 515 сум күләмендә.

    Район башлыгы Рамил Гатиятуллин, минераль ашламалардан башка зур булмаган КФХ яхшы уңыш ала алмый, дип ассызыклады. Хәзер алар җирдән нәтиҗәсез файдалана. «Җир эшләргә тиеш», - дип белдерде Гатиятуллин.

    Чыганак: bavly.tatarstan.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: