Ир-атларга эш табу җиңелрәк

Агымдагы ел башыннан мәшгульлек үзәгенә 375 кеше мөрәҗәгать иткән.

Баулы районы буенча бүгенге көндә 424 кеше эшсезлек буенча исәптә тора. Алар арасында хатын-кызлар күбрәк - 249, яшьләр - 111, авыл эшчәннәре - 141, кыскартуга эләгүчеләр - 58 кеше. Мәшгульлек үзәге 114 кешене эшкә урнаштырган. Сатучы, укытучы, табиб һәм авыл җирендә тракторчы һөнәрләренә ихтыяҗ бар. Теркәлүче эшсезлек дәрәҗәсе 2,4 процент тәшкил итә. Статистика буенча, районда икътисади актив халык саны кими (узган ел 19500 булса, быел - 17600 кеше).